დუშეთის მუნიციპალიტეტის მერმა მაცაცო ნარიმანიძემ, მერის წარმომადგენელთან დუშეთის ადმინისტრაციულ ერთეულში შალვა ინაშვილთან, მერიის კულტურის, სპორტისა და ახალგაზრდობის საქმეთა სამსახურის უფროსთან ქეთო წიკლაურთან და მერიის სხვა თანამშრომლებთან ერთად, ქალთა საერთაშორისო დღე პირადად მიულოცა საქართველოს ტერიტორიული მთლიანობისთვის ბრძოლებში დაღუპულთა ოჯახების წევრ ქალბატონებს, ასევე, პოლიციაში, სამედიცინო სფეროსა და სახანძროში მომუშავე ქალბატონებს.

მათ მადლობა გადაუხადა თავდაუზოგავი შრომისთვის და ჯანმრთელობა, მხნეობა, ბედნიერება, წარმატება და დიდხანს სიცოცხლე უსურვა.

დუშეთის მუნიციპალიტეტის ბაზალეთის ადმინისტრაციული ერთეულის სოფლებისა და მათი მიმდებარე ტერიტორიების სივრცითი დაგეგმარების გეგმისა და სტრატეგიული გარემოსდაცვითი შეფასების ანგარიშის საჯარო განხილვა

სსიპ სივრცითი და ქალაქთმშენებლობითი განვითარების სააგენტოსა და შპს „თავისუფალი ექსპერტებს“ - ს შორის გაფორმებული 2023 წლის 3 ნოემბრის სახელმწიფო შესყიდვის შესახებ N147-2023 ხელშეკრულების საფუძველზე (CNT230000071) კომპანია ახორციელებს დუშეთის მუნიციპალიტეტის ბაზალეთის ადმინისტრაციული ერთეულის სოფლებისა და მათი მიმდებარე ტერიტორიების სივრცითი დაგეგმარების გეგმის შემუშავების საპროექტო სამუშაოებს.

შპს „თავისუფალი ექსპერტების“ მიერ სააგენტოში წარმოდგენილ იქნა ხელშკრულებით გათვალისწინებული მეოთხე ეტაპის დოკუმეტაცია, რომელიც მოიცავს დუშეთის მუნიციპალიტეტის ბაზალეთის ადმინისტრაციული ერთეულის სოფლებისა და მათი მიმდებარე ტერიტორიების სივრცითი დაგეგმარების გეგმას.

დაგეგმვის მიზანია, დასახლების მდგრადი განვითარებისა და საზოგადოების კეთილდღეობის ხელშეწყობა, ღირსეული, უსაფრთხო გარემოს შექმნა და განვითარება.

საქართველოს კანონის „გარემოსდაცვითი შეფასების კოდექსი“-ს და „სივრცის დაგეგმარებისა და ქალაქთმშენებლობითი გეგმების შემუშავების წესის შესახებ„ საქართველოს მთავრობის 2019 წლის 3 ივნისის N260 დადგენილებით დამტკიცებული წესის მე -17 მუხლის მე -4 და მე - 5 პუნქტების შესაბამისად აღნიშნული პროექტი ექვემდებარება საჯარო განხილვის პროცედურებს.

გეგმის პროექტისა და სგშ ანგარიშის საჯარო განხილვა დაიგეგმა 2025 წლის 06 მარტს 12:00 საათზე, მისამართი: ქ.დუშეთი, დუშეთის მუნიციპალიტეტის მერიის ადმინისტრაციული შენობა მისამართი: რუსთაველის ქუჩა №27.

საჯარო განხილვის დროს ხელმისაწვდომი იქნება დუშეთის მუნიციპალიტეტის ბაზალეთის ადმინისტრაციული ერთეულის სოფლებისა და მათი მიმდებარე ტერიტორიების სივრცითი დაგეგმარების გეგმის პროექტი და სტრატეგიული გარემოსდაცვითი შეფასების ანგარიში ელექტრონულ ფორმატში.

განხილვაზე დასწრება, მასში მონაწილეობის, ასევე, შენიშვნებისა და მოსაზრებების წარდგენის უფლება აქვს ნებისმიერ დაინტერესებულ პირს. წერილობითი შენიშვნებისა და მოსაზრებების წარდგენა შესაძლებელი იქნება საჯარო განხილვის ჩატარებიდან 15 სამუშაო დღის ვადაში, სსიპ - სივრცითი და ქალაქთმშენებლობითი განვითარების სააგენტოში, შემდეგ მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე: sajaro.gankhilvebi@suda.gov.ge; და დუშეთის მუნიციპალიტეტის მერიაში, მისამართი: რუსთაველის ქუჩა №27

საჯარო განხილვასთან დაკავშირებული დოკუმენტაცის ჩამოტვირთვა შესაძლებელია შემდეგი ბმულიდან:  

https://drive.google.com/drive/folders/1swg3MWGwvne-zm79j1X2cxOx2qyQlntx?fbclid=IwY2xjawI0-r5leHRuA2FlbQIxMQABHeTvVyatlV_Nv_amZEvpiB6HvAP1oHE2Inu3-Q7mgdxNsEH83wTxmBzhmA_aem_cjo541eHhyeCYLvFCT28pw

დუშეთის მუნიციპალიტეტში თოვლის საფარისგან გზის გაწმენდის სამუშაოები აქტიურ რეჟიმში გრძელდება.

დუშეთის მუნიციპალიტეტის მერი მაცაცო ნარიმანიძე, საკრებულოს თავმჯდომარე კახაბერ ჩიტაურთან და მერის მოადგილე ოთარ ჩხეიძესთან ერთად გზების წმენდით სამუშაოებს პირადად გაეცნო.

„გზებზე გაწმენდითი სამუშაოები ინტენსიურ რეჟიმში გრძელდება. 17 ადმინისტრაციულ ერთეულში, მობილიზებულია ტექნიკა. აღნიშნულ პროცესში ჩართულნი არიან მერის წარმომადგენლები. აქტიური კომუნიკაცია გვაქვს მოსახლეობასთან. სამუშაოები გაგრძელდება შექმნილი პრობლემის აღმოფხვრამდე“ - განაცხადა მაცაცო ნარიმანიძემ.

ინტენსიური თოვის გამო შექმნილი პრობლემების აღმოსაფხვრელად დუშეთის მუნიციპალიტეტში შესაბამისი ღონისძიებები ტარდება.

ამ ეტაპზე მიმდინარეობს ცენტრალური გზების გაწმენდითი სამუშაოები დაბა ფასანაურის, ფშავისა და ხევსურეთის ადმინისტრაციულ ერთეულებში.

ზვავსაშიშროების საფრთხის მაღალი დონის გამო, ყველა სახის ავტოტრანსპორტის მოძრაობა აკრძალულია საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის მლეთა-გუდაური(ფოსტა)–კობის მონაკვეთზე.

„აქტიური კომუნიკაცია გვაქვს მოსახლეობასთან. შესაბამისი სამუშაოები გაგრძელდება იქამდე, სანამ არ აღმოიფხვრება შექმნილი პრობლემები“ - განაცხადა დუშეთის მუნიციპალიტეტის მერმა მაცაცო ნარიმანიძემ.